Versos d'Asturies - 3.ª Edición

Resume:

«Versos d’Asturies» ye ritmu, música y poesía. Esti poemariu infantil, con testos de Daniel García Granda y ilustraciones de Ilemi Cuesta Mier, ye un viaxe llingüísticu y visual per 23 llugares d’Asturies, onde les pallabres saben a quesu, güelen a mar y resonen como una vaqueirada nel tiempu. Publicáu por primer vez en 2017, «Versos d’Asturies» nun dexó de crecer, llevando la llingua asturiana a escueles, biblioteques y llibreríes, convirtiéndose nun referente pa neños, neñes y mayores que quieren siguir xugando col soníu de la nuesa llingua. Esta tercer edición ye una invitación a siguir descubriendo Asturies al traviés de la poesía y la ilustración, una obra que torna a les llibreríes pa siguir alimentando la imaxinación y la emoción de quien s’asoma a estos versos. Y, como novedá, anunciámosvos que nel cursu 2025-2026 verá la lluz «Versos d’Asturies II», con nuevos poemes pa los sitios que quedaron ensin el so propiu cantar. De nueves, la poesía y la ilustración van siguir amosándonos l’alma d’Asturies, en pallabres y colores.

Ficha técnica:

Más conteníos:

• Galería de fotos
• Más información
• Edición en castellán

Distribución:

• NACIONAL > Asturlibros
• VENTA PARA MINORISTAS > Plataforma Faire (EEUU / Canadá / Reino Unido / Austria / Bélgica / Dinamarca / Finlandia / Francia / Alemania / IrlandaItalia / Luxemburgo / Países Bajos / Noruega / Suecia / Suiza)
• Otros distribuidores